Смартфон, смарт-соат, смарт-уй, ана энди смарт кўйлак ҳам чиқибди! (Видео)
Технологиялар кундан-кунга дунёни ўзгартирмоқда. АҚШнинг Arrow бренди эркакларнинг смарт кўйлагини яратди. Кўйлакнинг билак қисмидаги енгига NFC тег ўрнатилган. Кўйлакнинг технологик имкониятларидан фойдаланиш учун смартфонга Arrow мобил иловасини (ҳозирча фақат Android учун) юклаб олиш зарур. Шундан кейин бевосита кўйлакдаги NFC тегдан ижтимоий тармоқлардаги профилларни улашиш, мусиқа қўйиш, севимли иловаларни ишга тушириш ва Bluetooth орқали бошқа қурилмаларга уланиш мумкин бўлади. Бунинг учун смартфонни кўйлак енгига теккизиш кифоя. Шунингдек, кўйлакдан смартфондаги режимларни ҳам бошқариш имконияти мавжуд.
