Doogee: Т5 моделининг синови акс этган видео (Видео)

Хитойнинг Doogee компанияси Т5 номли ҳимояланган смартфонни сотувга чиқариш арафасида. Смартфон сув ва чангга чидамли бўлиб, IP67 стандартидаги корпус билан ҳимояланган. Смартфон 5 дюймли IPS матрицадаги HD дисплей, MediaTek MT6753 процессори, 3 ГБ тезкор 32 ГБ доимий хотира, 13/5МП камера ва 4500 мА/соатли аккумуляторга эга бўлиб, Android Marshmallow дастурида ишлайди. Янги промо видеода хитойлик компания Т5 моделини заводда синовдан ўтказиш жараёни акс этган. Синовда телефоннинг сувга, баландликка, паст ҳароратга (-40 градус Цельсий) ва букилишга қарши хусусиятлари текширилган. Телефоннинг дизайни чиндан ҳам диққатга сазовор. Айни вақтда ушбу смартфонга буюртма бериш жараёни бошланган. Doogee T5’нинг нархи 209 АҚШ доллари (20 долларлик купон билан бирга) этиб белгиланган.