HTC Desire 10 Lifestyle ва HTC Desire 10 Pro смартфонлари намойиш этилди

Бугун Тайваннинг HTC компанияси HTC Desire 10 Lifestyle ва HTC Desire 10 Pro смартфонларининг тақдимотини ўтказди. Ҳар иккала девайс бир-бирига ўхшаш дизайнда бўлса-да, бироқ турлича техник параметрларга эга.

Desire 10 Lifestyle 1,6 ГГц частотали Snapdragon 400 процессорида ишлайди, 5,5 дюймли HD экран ҳамда 2/3 ГБ тезкор ёки 16/32 ГБ доимий хотирага эга. Шунингдек, смартфон HTC BoomSound Hi-Fi Edition ва Hi-Res Audio форматидаги оҳангларни қўллаб-қувватлайди. ББатарея сиғими – 2700 мА/ст.

Desire 10 Pro ҳам 5,5 дюймли экранга эга, аммо ундаги экран аниқлиги Full HD форматида. Модель MediaTek Helio P10 процессорида ишлайди, 3/4 ГБ тезкор ёки 32/64 доимий хотирага эга. Desire 10 Pro 20 МПли асосий (лазерли автофокус ва иккитали чақноқ) ва 13 МПли олд камера билан таъминланган, бармоқ изи сканери ва 3000 мА/ст сиғимли батареяга эга.

Иккала смартфон 2 ТБгача бўлган  microSD карталарини ва тезкор зарядлаш технологиясини қўллаб-қувватлайди. Смартфонлар Android Marshmallow версиясида фаолият кўрсатади.

HTC Desire 10 Lifestyle ва HTC Desire 10 Pro ноябрь ойида сотувга чиқарилади. Ҳозирча девайслар нархи эълон қилинмаган.