Temple Run2 ўйинининг Tizen дастурига мўлжалланган иловаси яратилди
Бундан бир неча кун олдин машҳур Temple Run2 ўйинининг Tizen платформасида ишлайдиган қурилмаларга мўлжалланган иловаси Tizen Store дўконида пайдо бўлди.
Phonearena сайтининг маълумот беришича, ўйиннинг Tizen версияси Imangi Studios дастурчилари томонидан ишлаб чиқилган бўлиб, айни пайтда уни Samsung Z1, Z2 ёки Z3 моделларига юклаб олиш ва ўрнатиш мумкин.
Samsung ва Intel тарафидан ҳамкорликда яратилган мазкур мобил платформада фаолият кўрсатадиган қурилмалар Африка ва Осиё қитъасидаги ривожланаётган смартфон бозорларида яхши оммалашмоқда. Бироқ ушбу операцион тизим ҳали янги бўлгани туфайли, унинг Tizen Store деб номланган дўконида унча ҳам кўп илова мавжуд эмас.
Илованинг умумий ҳажми 40 МБни ташкил қилади. Бироқ уни телефонга ўрнатгач, яна 100 МБ атрофида қўшимча ўйин файлларини юклаб олиш керак бўлади.
Ҳозирда Android ва iOS платформаларидаги оммабоп иловаларнинг Tizen дастурига мўлжалланган версиялари яратилмоқда.
