Senseit L208 – ойлаб зарядланмасдан ишлайдиган телефон

Senseit компанияси куни кеча Россияда Senseit L208 телефонини намойиш қилди. Модель классик форм-факторда ишлаб чиқилган, узоқ вақт зарядланмай ишлаш хусусияти билан фарқланади, деб ёзмоқда Ferra сайти.

Телефон содда интерфейс ва йирик механик тугмалар билан жиҳозланган. Шунинг учун ундан катта ёшдаги одамлар ортиқча қийинчиликсиз фойдаланишлари мумкин. Senseit L208 сиғими 4000 мА/соат бўлган йирик батареяга эга, шу билан бирга, телефон орқали бошқа смартфонларни ҳам зарядлаш мумкин. Автоном ишлаш вақти 2100 соат ёки 3 ойни ташкил этади. Суҳбат режимида эса телефон икки кун хизмат қилиши мумкин.

Телефонга 2,4 дюймли экран ўрнатилган, аниқлиги 240 х 320 пиксель. FM-радио, аудиоплеер ва видеоплеер, Bluetooth модули, 32 ГБгача карта ўрнатиш мумкин бўлган microSD слоти ва иккита SIM-карта слоти билан таъминланган.

Қурилманинг нархи 1990 рубль (30 доллар атрофида).