Overwatch ўйини муаллифларга 585 миллион доллар даромад келтирди

Изоҳ

Аввалроқ сайтимизда хабар берганимиздек, Overwatch ўйини халқаро The Game Awards 2016 танловида йилнинг энг яхши ўйини сифатида эътироф этилган эди. Бундан бир неча кун олдин VG 247 нашрида эса айнан ушбу ўйин жорий йилда муаллифларга энг кўп даромад келтирган шу турдаги маҳсулот бўлганлиги қайд этилган.

Нашрнинг ёзишича, Overwatch даромаднинг асосий қисмини компьютерга чиқарилган версиядан олишга муваффақ бўлган. Ўйин 2016 йилда ўз муаллифларига 585,6 млн АҚШ доллари миқдорида даромад келтириб, бу борада Counter-Strike: Global Offensive, Guild Wars 2 ва Minecraft ўйинларини ортда қолдирган.

2016 йилда энг даромадли ўйин лойиҳалари билан танишинг:

  • Overwatch – $585,6 миллион
  • Counter-Strike: Global Offensive – $257,2 миллион
  • Guild Wars 2 – $91 миллион
  • Minecraft – $88,7 миллион
  • Fallout 4 – $74,9 миллион

Қизиғи шундаки, битта ўйинчига мўлжалланган RPG Fallout 4 ўйини ҳам кучли бешликдан ўрин олган.

Terabayt.uz хабарларини Телеграмда кузатиб боринг: @terabaytuz

Мавлон Марасулов

Муаллиф

Мавлон Марасулов

Samsung Electronics Ўзбекистон ваколатхонасида ишлаган. Миллий бренд Артел телевизорлари учун биринчи ўзбекча меню муаллифи, Samsung телефонлари учун ўзбекча тахминий матн (Т9) функциясини жорий қилишда қатнашган. Жанубий Корея, Германия, Ҳиндистон, Россияда ўтказилган технология конференциялари иштирокчиси.

Кейингиси

Сўнгги Мақолалар

Муҳокамага қўшилинг