Galaxy Note 7’нинг реклама ролиги илк марта намойиш қилинди
Samsung яқин кунларда тақдимоти кутилаётган Galaxy Note 7 флагман фаблетига бўлган қизиқишни янада ошириш мақсадида,Корея телевидениеларидан бирида тақдимот олди реклама ролигини намойиш қилди.
Реклама ролиги навбатдаги флагманнинг бир неча жиҳатларига ойдинлик киритди. Жумладан, унга кўра янги флагман номида «6» рақамидан фойдаланилмайди ва қурилма узундан-узоқ махфий калит ёрдамида очилмайди. Аниқроғи Самсунг унда кўзнинг рангдор пардасини сканер қилиш орқали тизимга киришга рухсат берадиган функцияни жорий қилган.
Шунингдек, муҳандислар ёруғлик паст шароитда ҳам ўта сифатли селфилар олиш имконини берадиган олд камера устида изланишлар олиб боришган.
Шунингдек, видеода чўкиб кетаёган стационар телефонлар Samsung Galaxy Note 7 сувга бардошли корпусда ишлаб чиқарилишига ишора қилган. Шу билан бирга, ролик қурилманинг S Pen қаламчасининг сув ва намга чидамлилиги ҳақидаги гап-сўзларнинг тўғри эканлигини тасдиқлайди.
Note туркумидаги фаблетларга хос яна бир янги функция — уларда қўлда ёзилган қайдларни таржима қилиш функцияси ҳам мавжуд бўлади. Шу туфайли ҳам роликда Рус-Корейс тили луғатидаги “қойилмақом” деган сўз алоҳида намойиш этиб кетилган.
Кутилаётганидек, Samsung Galaxy Note 7 фаблети ён томонга қайрилган, 5,7 дюймли, сиғими QHD (2560 х 1440 пиксель) бўлган соҳил экранлари билан таъминланади. Унга яқиндагина кашф қилинган Gorilla Glass 5 ҳимоя шишаси қопланади. Фаблетда бош камера 12 мегапикселли, олд камера модули эса 5 мегапикселли бўлади.
Флагманда минтақа ва ҳудуддан келиб чиқиб, Snapdragon 820 ёки яна бир илғор Exynos 8 Octa процессорлари жорий қилинади. Ундаги тезкор хотира сиғими 4 ГБ бўлади. Гаджетда 64 ГБ доимий ичик хотира, шунингдек, microSD хотирани кенгайтириш бўлмачаси бўлади. Тезкор қувват олиши учун 3500 мА соат электр токи сиғимли аккумуляторда USB Type-C туридаги портдан фойдаланилган. Фаблет билан бирга унинг қутисида micro-USB ўтказгичи ҳам тақдим этилади.
Android 6.0 Marshmallow операцион тизимининг TouchWiz мослаштирилган талқинида фаолият кўрсатадиган фаблет алоқанинг 2G, 3G, 4G тармоқларида ишлайди.
Фаблет Европа смартфон бозорига сентябрь ойининг бошида 950 (S7 edge’дан 100 АҚШ долларига қиммат) доллардан сотувга чиқарилади.
Смартфон тақдимоти яқинлашиб келаётган 2 август куни бўлиб ўтиши режалаштирилган.
Samsung Galaxy Note 7 учун ишланган реклама роликни томоша қилиш:
