1 январдан Bixby Voice Android'нинг Pie'дан қуйи версияларида ишламайди
SamMobile сайтининг маълум қилишича, Samsung Android'нинг Pie'дан олдинги версияларида Bixby Voice'ни қўллаб-қувватлашни якунламоқчи.
Ушбу ўзгариш 2020 йил 1 январдан кучга киради, шунда овозли ёрдамчи бевосита ишлашдан тўхтайди.
Бироқ бу унчалик катта муаммо эмас, сабаби бу ўзгариш фақат маълум сабабларга кўра, ҳали ҳам Android 7.x Nougat ёки Android 8.x Oreo'да ишлаётган Galaxy S9, S9+, S8, S8+, S8 Active, Note8 ва A9 (2018) гагина амал қилади.
Шундай қилиб, агар сизда ушбу қурилмалар мавжуд бўлса ва ҳали ҳам Nougat ёки Oreo'дан фойдаланаётган бўлсангиз, Bixby'нинг овозли ёрдамчи функциялари ва Bixby Briefing'ишлашдан тўхтайди.
Муаммонинг оддий ечими смартфонингизни Android 9 Pie'га янгилашдир. Тизим янгиланиши билан бирга Bixby'ингиз v2.0 га янгиланади ва овозни таҳлил қилиш ҳамда ёрдамчи билан амалиёт яхшиланади.
