Android Nougat: Galaxy S7 ва S7 Edge смартфонларида Calendar иловасининг янгича интерфейси
Samsung компанияси Galaxy S7 ва S7 Edge смартфонлари учун мўлжалланган Android 7.0 Nougat дастурининг навбатдаги бета-версиясини чиқарди. Ушбу версияда флагманлардаги Calendar (S Planner) иловасига йирик ўзгаришлар киритилган, жумладан, илова интерфейси бошқача кўринишга эга бўлган.
Sammobile сайтининг ёзишича, Android Marshmallow версиясига қараганда мазкур илованинг кўриниши Android Nougat дастурида бир мунча яхшиланган. Ҳозирча Calendar (S Planner) иловасига Android Nougat орқали келадиган янги функция ва имкониятлар ҳақида кўп нарса маълум эмас. Барча тафсилотлар расмий Android Nougat версиясига янгилангандан кейин ошкор бўлади.
