Apple шамол энергияси соҳасидаги Хитой компанияларига сармоя киритди
Хитойнинг Goldwind Science & Technology корпорацияси шамол энергетикаси билан шуғулланадиган 4 та лойиҳага тегишли акцияларнинг 30 фоизини Apple компаниясига сотиш бўйича келишувга эришди, деб ёзмоқда South China Morning Post.
Нашрнинг ёзишича, Хитойнинг Goldwind фирмаси шамол ёрдамида ишлаб чиқариладиган энергияни етказиб бериш бўйича жаҳондаги энг йирик корхоналардан бири ҳисобланади. Apple мазкур гигантга қарашли тўртта компаниянинг муайян миқдордаги акцияларини харид қилади. Ҳозирча келишувнинг нархи эълон қилинмаган.
“Apple ўзига қарашли барча ишлаб чиқариш тузилмаларини янгиланадиган энергия тизимига ўтказиш мақсадида. Эндиликда эса компания ўзининг бундай энергияга бўлган бўлган эҳтиёжини қондириш учун Хитойдаги ҳамкорлари билан ишламоқда”, – дейилади Goldwind баёнотида.
Applе компаниясининг расмий сайтида келтирилган маълумотга кўра, компания 2015 йилда 93% сарфланган энергияни бевосита янгиланадиган энергия манбаларидан олганлиги маълум қилинган.
