Huawei яна бир ҳамёнбоп смартфон тайёрлади

Гарчи хитойлик техногигант 27 кунги тақдимотида бутун дунёнинг эътиборини Huawei P20 флагманларига жалб этишни кўзлаган бўлса-да, у ҳамёнбоп смартфонлар бозорини ҳам қўлдан бермоқчи эмас. Куни кеча компаниянинг Y7 Pro русумли янги телефони Geekbench сервисида синаб кўрилгани бунинг яна бир исботидир.

ЎҚИНГ: Huawei ҳамёнбоп Y7 Prime’ни тақдим қилди

Huawei Y7 Pro ушбу бенчмаркда LDN-LX2 индекси билан рўйхатдан ўтган. Унинг тест натижалари қуйида акс эттирилган:

Кўриб турганингиздек, бу смартфон якка кристалли CPU базасига қурилган. Унинг чипсети 1,4 ГГц такт частотасида ишловчи саккизта ядрони ўз ичига олади. Тест натижаларига ҳамда процессор хусусиятларига қараганда, бу – оддий Huawei Y7 2018 моделида қўлланган Qualcomm Snapdragon 435 бўлса керак.

Android 8 тизим талқини бошқаруви остида ишловчи Huawei Y7 Pro’нинг тезкор хотираси 3 гигабайт ҳажмга эга. Унинг Y7 2018 моделидан фарқ қилувчи бошқа жиҳатлари – қўшалоқ камераси ҳамда томонлари 18:9 нисбатли экрани бўлиши тахмин қилинмоқда.

Ҳозирча Huawei Y7 Pro’нинг тақдимот санаси ва нархи борасида аниқ маълумот йўқ.

ЎҚИНГ: Huawei Mate 20'даги бир жиҳат Galaxy S9 ва iPhone X учун фантастика бўлади!