Келаси йили 6,5 дюймлик iPhone X Plus чиқади

  •   DiMaX
  •  397
  •  14.11.2017 12:40

Келаси йили 6,5 дюймлик iPhone X Plus чиқади

KGI Securities компанияси вакили, таҳлилчи Минг-Чи Куо (Ming-Chi Kuo) ишлаб чиқарувчилар билан алоқалари туфайли танилган. У Apple’нинг келгуси йил чиқаришни режалаштирган смартфонларига доир айрим маълумотларни айтди, деб ёзади MacRumors нашри.

ЎҚИНГ: iPhone X фойдаланувчилари аллақачон нуқсонлардан шикоят қила бошлашди

Таҳлилчининг фикрига кўра, 2018 йили Apple корпорацияси учта янги смартфон чиқармоқчи. Бу туркумга экранининг диагонали 5,8 ва 6,5 дюйм бўлган OLED-дисплейли ҳамда 6,1 дюймлик LCD-дисплейли моделлар киради.

Хабарга кўра, буларнинг учаласи ҳам, худди ҳозирги флагман iPhone X каби, олд панелни деярли буткул эгаллаган ромсиз дисплейга ҳамда TrueDepth камералар тизимига эга бўлади.

LCD-экранли 6,1 дюймлик янги смартфон «юбилей айфони»нинг бирмунча соддалаштирилган версияси бўлиши айтилмоқда. У келгуси йилда чиқариладиган янги моделлар орасида энг арзони – нархи 649 дан 749 долларгача бўлиши тахмин қилинаётир.

OLED-дисплейли иккита смартфон эса iPhone X’нинг бевосита «авлод»лари ҳисобланиб, хусусиятлари янада кучайтирилган бўлади, демоқда таҳлилчи. Балки 6,5 дюймлик модели iPhone X Plus деб аталиши ҳам мумкин.

ЎҚИНГ: 2018 йили iPhone X’га ўхшаш iPad чиқади: Face ID бор, «Home» тугмачаси йўқ!

Хабарларни тез ва осон ўқиш учун Андроид иловамизни сақлаб олинг.

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.