LG Pocket Photo: smartfondan rasmlarni bosib chiqaradigan cho‘ntak printeri
LG kompaniyasi mobil qurilmalardan rasmlarni chop etishga mo‘ljallangan Pocket Photo mini-printerini namoyish qildi, deb yozmoqda 3D News.
Printer juda ixcham shaklga ega (125 × 78 × 22 mm), og‘irligi 177 gramm. Smartfonga Bluetooth orqali bog‘lanadi, Android va iOS platformasidagi qurilmalarni qo‘llab-quvvatlaydi. Smartfonga o‘rnatiladigan mini-printer ilovasi rasmlarni tahrirlash, matn yoki QR-kodni qo‘shish kabi vazifalarni bajaradi.
Printer rasmlarni chop etish uchun Polaroid PoGo printerlarida ishlatiladigan ZINK texnologiyasidan foydalanadi.
Gadjetga 470 mA/soat sig‘imli batareya o‘rnatilgan. Bitta zaryadda 20 tagacha rasmni chop etish mumkin. Pocket Photo 120 dollar narxida tez orada sotuvga chiqariladi.
