Meizu’нинг юбилей смартфони ҳам уч хил версияда чиқади!
Хитойнинг тобора кенг танилиб келаётган смартфонсозларидан бири Meizu компанияси бўлиб, у бу йил 15 йиллигини нишонламоқда. Шунга бағишлаб, компания ўзининг янги флагмани – Meizu 15 моделини тақдим этишни кўзлаган.
ЎҚИНГ: Meizu'нинг юбилей смартфони iPhone X'дан зўр!
Афтидан, мазкур смартфонсоз ўз мухлисларини биратўла учта янги модел билан қувонтиришга бел боғлаган. Бу – юбилей смартфонининг Meizu 15, 15 Lite ҳамда 15 Plus версияларидир.
Бу хусусда хитойлик инсайдер @MMDDJ_ ўзининг Twitter-аккаунти орқали хабар берган:
MEIZU 15
— 萌萌的电教 (@MMDDJ_) 9 февраля 2018 г.
MEIZU 15 life
MEIZU 15 Plus
Ҳозирча бу смартфонларнинг хусусиятлари аниқ эмас, аммо, аввалроқ «сизиб чиққан» маълумотларга кўра, Meizu 15 Plus модели Qualcomm Snapdragon 845 ёки Samsung Exynos 8895 процессори базасида ишлайди. Шиша корпусли ва қўшалоқ камерали бу смартфоннинг 6/128 ҳамда 8/128 гигабайт ҳажмли тезкор/доимий хотираларга эга талқинлари чиқарилиши кўзда тутилган.
ЎҚИНГ: Meizu 15 Plus: суратлари ва нархи эълон қилинди
Meizu 15 версияси 475, «плюсли»си эса 550 АҚШ долларига баҳоланиши кутилмоқда. Meizu 15 Lite версияси ҳақида эса ҳозирча мутлақо ҳеч нима маълум эмас.
Ушбу смартфонлар учлигининг тақдимоти хитойча янги йил байрамидан кейин, яъни февралнинг охири – мартнинг бошларида тақдим этилиши режалаштирилган.
Таъкидлаб ўтиш ўринлики, Ўзбекистонда катта талаб билан сотилаётган Xiaomi телефонлари сингари, Meizu компаниясининг смартфонлари ҳам юқори даражадаги сифат ва нарх уйғунлигига эга.
