Одамсимон робот одамларни йўқ қилишини айтди

София исмли андроид ўз яратувчисининг одамларни йўқ қиласанми, деган саволига “ҳа” деб жавоб берган. CNBC`нинг хабар беришича, мазкур робот ўтган йилнинг апрелида фаоллаштирилган.

Робот София 62 та эмоцияни ўхшата олади, унинг кўзларига камера ўрнатилган бўлиб, суҳбатдоши билан тўғридан-тўғри алоқа ўрнатади. Шу билан билан бирга одамларга хос ҳатти-ҳаракатларни бажара олади.

Уни ишлаб чиқарган Дэвид Хэнсоннинг маълум қилишича, роботнинг ташқи кўринишини ишлаб чиқишда актриса Одри Хепберн ва рафиқасидан илҳомланган.

Сунъий идрокнинг жавоби

Унга келажакдаги мақсадлари ҳақидаги савол берилганда ўқишни ўрганиш, санъат билан шуғулланиш, ўз ишини ташкил этиш, ўз уйи, ўз оиласига эга бўлиш режалари борлигини айтди. Бироқ ҳозирча жамият аъзоси эмаслигини ҳам қўшимча қилган.

Одамларни йўқ қилишинг мумкинми, мазмунидаги саволга “ҳа”, деб жавоб қайтарган.

Мазкур суҳбат видеоролиги глобал тармоқда катта қизиқиш билан кўрилмоқда. Уни ушбу манбада томоша қлишингиз мумкин.