Расман! Redmi Note 8’нинг 64 мегапикселли камераси тақдим қилинди! 100 МП лик илк смартфон ҳам Xiaomi'га тегишли!

Кутилганидек, Xiaomi компанияси Redmi Note 8’нинг 64 мегапикселли камерасининг намойишини ўтказди. Датчик янги эмас, аммо компания яна бир бор унинг хусусиятларини эслаб ўтишга қарор қилган. Шунингдек, “Хитойча Apple” расман дунёда биринчи бўлиб 100 мегапикселли (Samsung ISOCELL) аниқлигидаги датчикка эга смартфонни яратишини маълум қилди.

64 мегапикселли камера оптик формати  1/1,7 дюм бўлиб, датчик (Sony IMX600) ҳам худди шу форматда. Айтилишича, у 48 мегапикселлик датчикка қараганда 34 фоиз кўпроқ ёруғликни қамрай олади. Шунингдек, аввалгидек тўртта пикселни биттага бирлаштириш имконияти сақланиб қолади. Бундай аниқликда, пикселларнинг бирлашувидан сўнг умумий ўлчам 16 Мпни ташкил қилади. Бунда, олинган битта суратнинг ҳажми 19 МБ га етиб, 2,44 х 3,26 м ўлчамдаги баннерга босиб чиқариш мумкин бўлади.

Маросим сўнгида айтиб ўтилган 100 мегапикселли датчик ҳақида эса маълумотлар анча кам. Аниқроқ қилиб айтганда, ушбу камерада олинган суратнинг максимал аниқлиги 12032 х 9024 пикселни ташкил қилади. Ушбу датчик биринчи бўлиб Mi Mix 4 смартфонига ўрнатилиши мумкин.

ЎҚИНГ: Redmi Note 7 рекорд даражада арзонлашди!