Samsung Францияда Galaxy Note 7 харидорларига 128 ГБли microSD совға қилади

Samsung компаниясининг Франциядаги офиси Galaxy Note 7 смартфонларини аввалроқ қайтарган харидорларга 128 ГБли microSD-карта совға қилишга қарор қилди, дея ёзмоқда Phonearena сайти. microSD-карталар Galaxy Note 7 ҳодисаси учун кечирим сўралган мактуб билан бирга харидорларга жўнатилмоқда.

Шунингдек, Samsung Франция танлов орқали аниқланган 1000 нафар Galaxy Note 7  харидорларига компаниянинг Париждаги виртуал реалликка мўлжалланган Samsung Life Changer Park аттракционига ташриф буюриш имкониятини тақдим этади. Уларга яна ўзлари билан бир нафар яқин инсонларини мазкур аттракционга олиб келишларига рухсат берилади.

Эслатиб ўтамиз, Samsung батареядаги носозлик туфайли портлаб кетишни бошлаган Galaxy Note 7 смартфонларини ишлаб чиқаришни шу йилнинг 11 октябридан эътиборан тўхтатиши ҳақида расман маълум қилган эди.