Samsung Galaxy S7 Edge инсон соғлиги учун энг хавфсиз смартфон деб топилди

Маълумки, ҳар қандай радиомодуль билан жиҳозланган мобил қурилма ўзидан электромагнит нур чиқаради. Ушбу ҳодиса, асосан, телефондан фаол гаплашганда одам саломатлигига таъсир кўрсатиши мумкин. Электромагнитли нурлар билан боғлиқ хатарлар мутахассислар тарафидан кўп бора эсга олинган.

Яқинда PhonAndroid ресурси томонидан ўтказилган тадқиқотлар натижасида Samsung Galaxy S7 Edge смартфони инсон саломатлиги учун энг зарарсиз қурилма деб топилган. Инсон танасига ютиладиган электромагнитли энергиянинг солиштирма коэффициенти мазкур смартфонда бир сонияга 0,264 Вт/килограммни ташкил қилган. Қизиғи шундаки, телекоммуникацияда ушбу кўрсаткичнинг максимал бирлиги – 1,6 Вт/кг этиб белгиланган.

Мазкур йўналишда iPhone 7 ва iPhone 7 Plus моделлари Galaxy S7 Edge смартфонидан бир неча марта юқори кўрсаткични (салбий) қайд қилган (1,38 Вт/кг ва 1,24 Вт/кг).

Энг кам электромагнитли энергия чиқарадиган смартфонлар ўнлиги:

1. Samsung Galaxy S7 Edge (0,264 Вт/кг).
2. Asus ZenFone 3 (0,278 Вт/кг).
3. Samsung Galaxy A5 2016 (0,290 Вт/кг).
4. Lenovo Moto Z (0,304 Вт/кг).
5. OnePlus 3 (0,394 Вт/кг).
6. Samsung Galaxy S7 (0,406 Вт/кг).
7. HTC 10 (0,417 Вт/кг).
8. Sony Xperia XA (0,473 Вт/кг).
9. Honor 5X (0,560 Вт/кг).
10. Samsung Galaxy A3 2016 (0,621 Вт/кг).

Энг кўп электромагнитли энергия чиқарадиган смартфонлар ўнлиги:

1. Honor 8 (1,5 Вт/кг)
2. Huawei P9 (1,43 Вт/кг)
3. Apple iPhone 7 (1,38 Вт/кг)
4. Apple iPhone 7 Plus (1,24 Вт/кг)
5. Honor 5C (1,14 Вт/кг)
6. Sony Xperia X Compact (1,08 Вт/кг)
7. Sony Xperia XZ (0,870 Вт/кг)
8. LG G5 (0,737 Вт/кг)
9. Apple iPhone SE (0,720 Вт/кг)
10. Sony Xperia X (0,720 Вт/кг)

Таъкидлаш керак, юқоридаги барча смартфонлар АҚШнинг Федерал алоқа агентлигининг мавжуд меъёрларига тўлиқ мос келади.