Samsung янги рекламасида яна iPhone устидан кулди

  •   DiMaX
  •  3908
  •  18.05.2018 11:47

Samsung янги рекламасида яна iPhone устидан кулди

Турли компаниялар ўзларининг янги маҳсулотларини реклама қилаётиб, рақобатчиларини масхара қилишлари ҳолатлари учраб туради. Хусусан, етакчи смартфонсозлар орасида ҳам бу ҳол кўп кузатилмоқда.

ЎҚИНГ: Huawei ўз флагмани рекламаси билан Samsung ва Apple’ни масхара қилмоқда

Samsung компанияси Galaxy S9+ флагмани учун тайёрлаган «Олға ҳаракатлан» номли реклама ролигини эълон қилди. Унинг сюжетида бош қаҳрамон бўлган қиз ўзининг iPhone 6 смартфони сабабли муттасил муаммоларга дуч келаверади. Дастлаб ундаги илова самолётнинг талонини узоқ вақтда очади, сўнг парвоз пайти смартфонида фильм томоша қилолмайди, етиб борганидан кейин Uber иловаси очилмай, адашиб бошқа таксига ўтиради... Унинг муаммолари билан ёнма-ён тарзда, бошқаларнинг Galaxy смартфонлари худди шу вазифаларни бемалол уддалаб кетаётгани кўрсатилади.

Кейин эса қиз Apple Store дўконига киради ва айфон муаммоларидан шикоят қилади. Маслаҳатчи унга iOS 11.3 талқинида пайдо бўлган функция – iPhone’нинг секинлаштирувини узиб қўйишни ёки смартфонни янгисига алмаштиришни тавсия этади. Шу тариқа, Samsung компанияси эскирган айфонларда аккумулятор қувватини тежаш учун смартфонни атай секинлаштириш ҳақидаги Apple қарори устидан кулган.

ЎҚИНГ: Apple 20 йил аввал рақиблари устидан қандай кулганди? (3 та видео)

Мана, роликни бирга томоша қиламиз:

Гувоҳи бўлганингиздек, лавҳа якунида бу қиз дўкондан чиқиб келиб, қўлида Galaxy S9 Plus билан диванга ўтиради ва уни завқланиб ишлата бошлайди. Шунингдек, бу сюжет орасида қўлида бола кўтарган йигит ҳам кўзга ташланади – сочини купертиноликларнинг суперфлагмани экранидаги «кемтик» тарзида олдирган бу йигит Samsung’нинг аввалги масхараомуз реклама ролигида iPhone X харид қилиш учун навбатда турган эди.

ЎҚИНГ: Samsung ҳам iPhone фойдаланувчиларини масхара қилди

Terabayt.uz сайтининг видеолари: Youtube'даги каналимизда!