Xiaomi’нинг яна бир оммабоп смартфонига Face Unlock қўшилмоқда

Android-смартфонларни олд камера ёрдамида фойдаланувчи юзини таниб олиш орқали блокдан чиқариш – Face Unlock функцияси бу йил нисбатан арзон қурилмаларга ҳам татбиқ этила бошлаган. Айримларида у қадоқдаги пайти ўрнатилган прошивкасидаёқ мавжуд бўлса, баъзи моделларга янгиланишлар орқали тақдим этилмоқда.

ЎҚИНГ: Xiaomi’нинг икки моделдаги смартфонига Face Unlock функцияси қўшилди

Жумладан, Xiaomi компаниясининг 2016 йили тақдим этилган ва ҳозиргача оммабоп смартфонларидан бири – Mi 5 моделига ҳам шу функция татбиқ этилмоқда. Face Unlock технологияси бу смартфонга сўнгги – MIUI 9 (8.4.25) бета талқини билан келади.

Агарда сизнинг Mi 5 қурилмангиз прошивкаси айни шу талқини бўлса, унда юзни таниш функциясини фаоллаштирсангиз бўлади. Бунинг учун смартфон созламаларининг хавфсизлик ва блоклаш бўлимига кириб, ўша ердан созлайсиз.

MIUI 9 прошивка талқинининг якуний варианти тақдим этилиши билан барча Mi 5 соҳиблари Face Unlock функциясидан баҳраманд бўлишади. Таъкидлаб ўтиш керакки, Xiaomi компаниясининг турли моделлардаги смартфонлари Ўзбекистонда ҳам сотилмоқда.

ЎҚИНГ: Тошкентда Xiaomi смартфонлари нархлари (2018 йил 18 апрель)