Xiaomi ой охирида Redmi Note 12 Turbo смартфонини тақдим қилади!
Qualcomm ўзининг янги, Snapdragon 7+ Gen 2 чипсетини тақдим қилиши биланоқ Xiaomi'нинг Redmi бренди у билан янги смартфон чиқаришини расман эълон қилган эди. Кутилаётган смартфон Redmi Note 12 сериясига Turbo номи билан қўшилади. Компания уни қачон тақдим қилишини расман эълон қилди.
Xiaomi қўл остидаги Redmi бренди ўзининг Note 12 Turbo моделини келаётган 28 март куни Хитойда тақдим қилишга тайёрланмоқда. Бўлажак смартфон дизайни билан компания улашган расмий тизер постер орқали танишиб олишингиз мумкин.
Албатта, смартфон Redmi Note 12 сериясидаги бошқа моделларга ўхшаб кетади: қурилма олд томони текис, орқа томон четлари эса бироз қайрилган ва энг асосийси унга учлик камера ўрнатилган. Суратдан камераларнинг асосийси 64 MP эканлигини билан бирга смартфон рендерлардан смартфон иккилик микрофон ва динамиклар, USB-C порти, инфрақизил нур узатувчиси, ҳамда, 3.5 миллиметрли симли наушник уясига эга бўлишини айтиб турибди.
Миш-мишларга кўра, Redmi Note 12 Turbo модели 6.67 дюймли 120 герц янгиланиш тезлигига эга FHD+ AMOLED экранга эга бўлади. Қурилма 5500 мА/соат батареяга эга бўлиши ва у 67 Вт тезликда қувватланиши айтилмоқда.
