Samsung Galaxy Note10 Lite Geekbench'да синовдан ўтди

Samsung охирги бир неча йиллардан буён Lite смартфонларини чиқаришни тўхтатган эди, лекин миш-мишларга қараганда, ҳозирда камида иккита Lite гаджети тайёрланмоқда.

Мана шу смартфонлардан бири Galaxy Note10 Lite Geekbench синовидан ўтди.

Бенчмаркда қурилманинг модель номи SM-N770F деб кўрсатилган. 6ГБ оператив хотирага эга смартфон Exynos 9810 чипида ишлаши ҳам ёзиб қўйилган.Девайсга қўйилган чип тақдим қилинганига аллақочон бир йил бўлган; Exynos 9810 илк маротаба Galaxy Note9'га ўрнатилганди. Бироқ ҳозир бозордаги энг зўри бўлмаса-да, 10 нанометрли бу SoC анча яхши ишлайди.

Қизиғи, Note10 Lite'нинг модель рақами F ҳарфи билан тугаган. Бу эса қурилмага фақат битта SIM карта тушади ва у бутун дунё бўйлаб сотувга чиқади, деганидир.

Кеча арзонроқ Note10'да ҳам Bluetooth'ли S Pen бўлиши ҳақида маълумот олган эдик, лекин, умуман олганда, ҳозирча бу девайснинг жуда кам жиҳати бизга маълум.

ЎҚИНГ: Galaxy Note10'нинг ҳамёнбоп талқини Note10 Lite деб аталади. Бу ҳали ҳаммаси эмас!..