Meizu 20 Pro смартфони AnTuTu синовидан ўтди!
Узоқ танаффусдан сўнг, Meizu компанияси янги флагман тайёрламоқда. Янги смартфонлар Meizu 20 серияси бўлиб, унда иккита модел Meizu 20 ва Meizu 20 Pro бўлиши таҳмин қилинмоқда. Улар Snapdragon 8 Gen 2 билан жиҳозланади ва эҳтимол, уларнинг бири аллақачон бу чипсет билан AnTuTu синовидан ҳам ўтиб улгурган.
Meizu 20 Pro эканлиги таҳмин қилинаётган m2391 модел рақамли Meizu смартфони Snapdragon 8 Gen 2 чипсети, ҳамда, 12 ГБ RAM ва 512 ГБ хотира билан AnTuTu бенчмаркида 1,255,418 баллни қўлга киритди. Бунда смартфоннинг процессори 248,541, Adreno 740 график картаси 570,255, LPDDR5Х оператив ва UFS 4.0 хотираси 256,118, UX эса 180,504 балл тўплаган.
AnTuTu натижалари билан бирга, Интернетда Meizu сериясидаги смартфоннинг реклама постерининг сурати ҳам тарқатилди ва у аввал тарқатилган рендерларни тасдиқлайди.
Meizu 20 смартфонлари Android 13 га асосланган Flyme 10 операцион тизимида ишлайди. Миш-мишларга кўра, унинг теп-текис экрани 1,080×2,400 пиксел ўлчамидаги 120 герц янгиланишига эга дисплей бўлади. Расмий маълумотларга кўра эса, ушбу экран остида супер тезкор ултрасоник бармоқ изи сканери (0.075 секундда очилади, ҳатто, бармоқ ҳўл бўлгандан ҳам) жойлашган.
Шунингдек, Meizu янги смартфонлар батареяси 1600 кунлик батарея қувватланиши сиклидан кейин ҳам ўзининг 80% оригинал кучини сақлаб қолишини таъкидлайди. Шуни ҳам айтиш керакки, Meizu 20 смартфонлари компаниянинг инфрақизил нур узатувчи илк смартфонлари бўлади. Компания смартфонлар учун 36 ой кафолат беради.
Meizu 20 серияси учун аллақачон олдиндан буюртма бериш бошланган. Компаниянинг маълум қилишича, 55 соат ичида буюртмалар сони 200 мингдан ошган. Олдиндан буюртма бериш 14 мартгача давом этади, яъни Meizu 20 смартфонлари 14 мартдан кейин тақдим қилинади.
ЎҚИНГ: Xiaomi флагмани ва realme'нинг энг тез қувватланадиган смартфони Ўзбекистонга келади!
