Samsung “1-рақамли” смартфонсозлик мақомини сақлаб қолди
2016 йилнинг якунида қадар жаҳон смартфон бозорида тўлиқ устунликни бермаган Apple компанияси жорий йил бошида “улоқ”ни кореялик рақиби Samsung’га олдириб қўйган эди. 2017 йилнинг илк чораги якунларига кўра, Жанубий Корея IT-гигантининг I чоракда сотлиган смартфонлардаги улуши 22,8% ни ташкил қилади. Бу тўғрида халқаро IDC маркетинг тадқиқотлари компанияси хабар бермоқда.
Samsung Electronics бу чоракда, аниқроғи январ-март ойларида 7.9 миллион дона смартфон сотган. Аҳамиятли жиҳати, бу тадқиқотлар олиб борилганида Samsung Galaxy S8 смартфони бозорга чиқарилмаган эди. Бренднинг J- ва A- туркумига кирувчи ҳамёнбоп моделлари ҳам унинг бозордаги етакчилигига сезиларли ҳисса қўшган.
Samsung Galaxy Note 7 флагманининг ёниб кетиши билан боғлиқ ҳолатларда компания яхши дипломатик ёндашувлардан фойдаланди. Компания раҳбариятининг истеъмолчилардан расман узр сўрагани, зудлик билан смарфтонларнинг чақириб олингани, уларнинг ўрнига Galaxy S7 ва бошқа аксессуарларнинг чегирма билан сотилиши компаниянинг нуфузини сақлаб қола олди.
Амриқолик Apple компанияси эса бу даврда смартфон бозорида сотилган 14.9 фоиз гаджетга эгалик қилади. Ундан кейинда Huawei Technologies (9.8), Oppo (7.4), Vivo (5.4) смартфон брендлари турибди.
