Galaxy C10: Samsung’нинг қўш-камерали илк смартфони
Samsung Electronics шу кунларда ‘C’ туркуми учун янги “ақлли телефон” тайёрламоқда. Компания илк маротаба ўзининг қўш объективли бош камераларига эга смартфонни ишлаб чиқаради. Galaxy C10 деб аталаётган моделнинг ишчи рақами — SM-C9150. Бу тўғрида таниқли @mmddj_China инсайдери ёзмоқда. “C” туркуми смартфонлари даражасига кўра, Samsung компаниясининг ҳамёнбоп “A” ҳамда “S” флагман туркумларининг оралиғида туради. “C” туркуми юқори дизайни ҳамда самарали ишлайдиган аппарат платформаси билан ажралиб туради.
Galaxy C9 Pro
Маълумотларга кўра, 10 девайси 6 дюймли Full HD сиғимли Super AMOLED дисплейга эга бўлади. Galaxy C10 корпусида ҳам Galaxy S8 ва S8+ каби Bixby ёрдамчи тизимини ишга тушириш тугмаси бўлади. Смартфон чизмаларига кўра, унинг орқа панелида устма-уст жойлашган камера сенсорлари мавжуд. Улар учун 13 мегапикселли сенсор танлангани айтилмоқда. Орқа панелда бошқа сенсор йўқлигига кўра, бармоқ излари сканери олд панелдаги бош тугмадан жой олади.
Android 7.0 Nougat’да ишлайдиган телефонда 4 Гб тезкор ва 64 ГБ доимий, 256 ГБ.гача хотира флешкасини ўқидиган microSD бўлмачаси бўлади.
Galaxy C10 эртага — 2017 йилнинг 9 май куни тақдим қилинадиган Snapdragon 660, Qualcomm’нинг 8 ядроли, 2.3 Ггц частота тезлигида ишлайдиган процессори билан таъминланган илк смартфон бўлади. Бу самарадорликда Snapdragon 835 флагман чипидан бир қадам орқада. Мисол учун, Snapdragon 835 10 нанометрли техник жараёнда ишласа, Snapdragon 660’даги бу кўрсаткич 16 нанометр. Гаджет учун Adreno 512 видео-картаси танланган. Бу ҳам етакчи бўлган Adreno 540’дан бир оз пастроқ. Айтиш мумкинки, смартфон ишлашда бугунги унча-мунча флагман телефонлардан қолишмайди.
