14 октябрь – фотоплёнка ихтиро этилган сана
1884 йилнинг 14 октябрида Жорж Истман дунёдаги илк фотоплёнкани патентлади. Ихтирочи ўша пайтда фотография учун қуруқ пластиналар ишлаб чиқарадиган Eastman Dry Plate Company компаниясига ҳам эгалик қиларди. Мазкур кашфиёт фотокадрлар яратиш жараёнини қулайлаштириб, сарфланадиган харажатлар миқдорини сезиларди даражада камайтирди. Бундан ташқари, фотоплёнка ўша пайтда ишлатиладиган металл пластиналардан анча енгил бўлиб, фотографларнинг ишини бир мунча енгиллаштиришга ҳам хизмат қилди.
Фотография тарихидаги илк плёнкалар пластиналар шаклида тайёрланган. Кичик ўлчамдаги катушкали плёнкалар ихтиродан бир ярим йил ўтибгина пайдо бўлди. Фотоплёнкаларни 1888 йилдан эътиборан ялпи ишлаб чиқариш бошланди. Истманнинг 100 кадрга мўлжалланган фотоплёнкаси 25 доллар нархида сотувга чиқарилган. Гарчи бу нарх ўша пайт учун жуда йирик қийматга эга бўлган бўлса-да, якуний сарф-харажатлар қуруқ плёнкаларга қараганда бир неча баробар арзонга тушган.
Жорж Истманнинг мазкур кашфиёти фотография соҳасини янги поғонага олиб чиқди.
