Америкада қайси iPhone модели оммалашгани маълум бўлди
comScore таҳлил ва тадқиқотлар маркази ўтказган изланишларга кўра, Америка Қўшма Штатларида iPhone мобил алоқа воситасидан фойдаланувчилар сони ўзининг тарихий энг юқори чўққисига етган.
2016 йилнинг сўнгги ойидаги маълумотлар асосида тайёланган ҳисоботда кўрсатилишича, АҚШда Apple смартфонидан фойдаланувчилар сони айни пайтда 85,8 млн нафарга етган. Бунда 13 ёшгача бўлган фойдаланувчилар ҳисобга олинган.
Компаниянинг сўнгги — iPhone 7 ҳамда iPhone 7 Plus флагман моделлари жами айфонларнинг 15%ини ташкил қилади.
Таҳлилчиларнинг маълум қилишларича, iPhone 6 ҳамда iPhone 6s ва унинг Plus талқини америкаликлар орасида энг оммалашган айфон ҳисобланар экан. Айфон ихлосмандларининг деярли тенг ярми шу моделдаги смартфонлардан фойдаланишади. Ҳар беш нафар айфон фойдаланувчисидан биттаси (18%) ҳозирча iPhone 5s, iPhone 5c ёки iPhone 5 моделини ишлатади.
Kantar Worldpanel ҳамда IHS Markit экспертларининг хулоса беришларича, iPhone АҚШ ҳамда жаҳон миқёсида оммалашган энг таниқли телефон бренди. comScore марказининг тадқиқот натижалари АҚШдаги жами телефон брендлари орасида iOS тизимининг улуши 43%ни, Android эса 54%ни ташкил қилади.
