Beeline катта ҳажмли 4G интернет пакетларини таклиф қилмоқда
Бугун – 14 сентябрь, йирик алоқа оператори Beeline LTE тармоғининг кенгайтирилиши муносабати билан янги, катта ҳажмли 4G интернет пакетларини жорий қилди.
Халқаро ҳамкорлик марказида бўлиб ўтган матбуот анжуманида компаниянинг тижорат директори Максим Ефремов янги линейкадаги тарифларни қуйидагича шарҳлаб ўтди: “Сўнгги ойлар мобайнида ҳам янги хизматлар сифатида, ҳам мавжуд тарифлар доирасида “Beeline” дата-сервисларининг жиддий кенгайиши белгиланди. 2016 йилнинг асосий тренди – абонентларга тақдим этилаётган трафик ҳажмини кўпайтириш, бу нафақат мижозларнинг Интернетга бўлган эҳтиёжи ўсиб бориши билан, балки тармоқларимизнинг имкониятлари сезиларли даражада ўсиб бораётгани билан ҳам боғлиқдир”.
Янги 4G интернет пакетлар қуйидаги параметрларга эга:
“4G Oy 15 000 MБ” интернет пакети – 15 000 МБ (30 кунга) $40 эвазига
“4G Oy 30 000 MБ” интернет пакети – 30 000 МБ (30 кунга) $50 эвазига
“4G Oy 60 000 MБ” интернет пакети – 60 000 МБ (30 кунга) $60 эвазига
“Янги пакетлардаги мисли кўрилмаган трафик ҳажми “Beeline”нинг LTE тармоғи таъминлайдиган юқори тезликлар билан боғлиқдир”, – дейди компаниянинг жамоатчилик билан алоқалар хизмати раҳбари Ораз Абдуразаков.
Мобил оператор Тошкент шаҳридаги LTE тармоғининг кўламли кенгайтирилишини эълон қилди. Тармоқ LTE 850 (18, 5, band) частоталарида ишлайди.
4G тармоқдан фойдаланиш учун янги турдаги SIM-карта ва LTE тармоғида ишлайдиган қурилма (телефон, планшет) зарур бўлади. Абонентлар ўз SIM-карталарини янги 4G SIM-карталарига компаниянинг савдо ва хизмат кўрсатиш офисларида (бунда абонент рақами ўзгармайди) ёки дилерлик пунктларида алмаштиришлари мумкин.
