Beeline‘нинг реклама ролиги энг инновацион деб тан олинди
Beeline алоқа оператори “2016 йилнинг Энг яхши Реклама Роликлари” танлови доирасида ҳудудий телеканалларнинг қўллаб-қувватлаши асосида ўтказилган республика бўйича овоз бериш натижалари ҳақида хабар беради.
200 видеоролик овоз беришга тақдим этилиб, улардан ўнтаси 5 номинацияда танлаб олинди. Овоз бериш натижалари бўйича Bir номли видеоролик “Инновацион реклама-2016” номинациясидаги совринга сазовор бўлди. Ғолибларни MGroup агентлиги ва Taraqqiyot телеканалининг экспертлар кенгаши аниқлашди.
Воқеани шарҳлар экан, Unitel‘нинг маркетинг хизмати раҳбари Ҳилола Каримбоева шундай деди: “Авваллари компаниямиз ICTExpo ва бошқа лойиҳалар доирасида бир неча бор шунга ўхшаш совринларни қўлга киритган эди. Бу манода Beeline мамлакатнинг энг инновацион бренди ҳисобланади, лекин бизнинг ишончимиз комилки, инсонларнинг ишончини доимий равишда оқлаш лозим, шу манода биз учун “Инновацион реклама-2016” соврини – биз тўғри йўналишда ҳаракатланаётганимиздан далолат беради”.
“Bir” видеоролиги
