Бўлажак Huawei Nova 11 смартфонининг жонли сурати тарқалиб кетди

Huawei компанияси ўзининг янги Nova 11 сериясидаги смартфонларини тақдим қилишга тайёрланмоқда. Интернетда ушбу қатордаги бошланғич моделнинг олд экрани кўрсатилган жонли сурат пайдо бўлди.

Маълум бўлишича, Huawei Nova 11 олд экрани ҳар томонлама бир хил қалинликдаги рамка билан ўралган бўлади. Бунга қуйидаги суратда ўзингиз гувоҳ бўлишингиз мумкин:

Одатда Android смартфон ишлаб чиқарувчилари ўзларининг смартфонлари экран рамкасини имкон борича қайси томонда бўлса ҳам ингичка қилишга ҳаракат қилишади. Бунда смартфонлар қайсидир томондан нозикроқ, қайсидир томонда эса қалинроқ чегарага эга бўлади. Фақатгина Apple'нинг iPhone смартфонларигина барча томонлари бир хил қалинликдаги рамка билан ўралган экран дизайнига эга бўлар эди.

Huawei Nova 11 билан эса барчасига ўзгарадиган кўринади. Юқоридаги суратда кўрганингиздек, у ҳар томонлама бир хил қалинликдаги экран рамкасига эга ва бу билан "iPhone 14 қотили" бўлиши айтилмоқда. Маълум бўлишича, смартфон экрани 6.7 дюйм ўлчамда ва у FHD+ резолюцияси, 120 герц янгиланиш тезлигига эга. Таққослаш учун iPhone 14 экрани 6.1 дюйм. Бундан ташқари, Huawei Nova 11 ўзининг 6.88 мм қалинликдаги танаси билан iPhone 14 дан (7.8 мм) устун туради.

Huawei Nova 11 смартфони Huawei Nova 11 Pro ва Nova 11 Ultra моделлари билан 17 апрел куни тақдим қилиниши кутилмоқда.