CES 2017: Acer 21 дюймли Predator 21 X ноутбукининг нархини маълум қилди
Шу ойнинг 5-8 январь кунлари Лас-Вегас (АҚШ, Невада) шаҳрида ўтказиладиган CES 2017 кзргазмаси арафасида Тайваннинг Acer компанияси кучли техник параметрлар билан жиҳозланган Predator 21 X ноутбукининг нархларини маълум қилди, деб ёзмоқда Ferra нашри.
Ушбу қудратли ўйин ноутбуки 2016 йилнинг сентябрь ойида бўлиб ўтган IFA 2016 кўргазмасида намойиш этилган эди, бироқ компания ўшанда ноутбук нархи ва батафсил техник параметрларни ошкор қилмаганди.
Аниқлик формати 2560Х1080 пиксель бўлган 21 дюймли қайрилган экранга эга ушбу модель NVIDIA G-Sync ттехнологиясини қўллаб-қувватлайди, еттинчи авлод Intel Core i7 процессорида ишлайди, иккита GeForce GTX 1080 график чиплари билан кучайтирилган. Ноутбукка 64 ГБгача оператив хотира ўрнатиш имконияти мавжуд.
Қурилманинг оғирлиги нақ 8 килорамм. Автоном ишлаш вақтига, афсуски, аниқлик киритилмаган. Predator 21 X кейинги ойдан бошлаб сотувга чиқади, нархи 8999 доллар атрофида бўлиши айтилган.
