Дўконга кирган британиялик эркак 4 та телевизорни синдирди (Видео)
TJournal нашрининг хабар беришича, Буюк Британинг Сент-Остелл (Корноулл графлиги) шаҳридаги медиа дўконларнинг бирига ташриф буюрган харидор бехосдан демо-зонада турган тўртта телевизорга зарар етказган.
Эркак харидор телевизор билан танишиш учун тиззаси билан чўнқаяди ва тўсатдан олдидаги кетма-кет қўйилган телевизорларни йиқитади. Ҳаракатидаги назоратни йўқотган харидор қўли билан орқасида турган яна иккита телевизорни тушириб юборади.
Бесўнақай эркак шундай қилиб дўконга беш минг фунт (6 минг доллар) атрофида молиявий зарар келтирди.
