Ҳар бештадан битта Android қурилма Android 6.0 версиясида ишлайди

Google компания Android операцион тизимининг фрагментациясига тегишли ойлик ҳисоботни эълон қилди. Ҳисоботга кўра одатий тенденция сақланиб қолмоқда: Android 6.0 Marshmallow версиясининг улуши кундан-кунга ортмоқда, Android 5 ҳам секинлик билан бўлса-да кўпаймоқда, эски версиялар эса камайиб бормоқда.

Ўтган ой натижасига кўра Android 6.0 улуши 3,5 %га ошиб, айни пайтда 18,7%ни ташкил этмоқда. Android 5.1 версияси эса 0,5%га кўпайган, Android 5.0 версиясининг улуши эса 1%га тушган. Демак, август ойида Lollipop’даги қурилмалар сони 0,5%га камайган. Бироқ ушбу версия ҳалигача жаҳондаги энг кенг тарқалган оммабоп версия бўлиб қолмоқда.

Оммабоплик бўйича Android 4.4 KitKat иккинчи ўринни эгаллаган. Унинг жаҳонлаги улуши 27,7 %ни ташкил қилади. Энг қизиғи, Android 2.2 Froyo кўрсаткилари мана бир неча ойдирки ўзгармаяпти.

Энг янги Android 7.0 Nougat ҳозирча статистикага киритилмаган. Эҳтимол, ушбу версия янгиланган қурилмалар сони Android 2.2 қурилмаларидан кам бўлиши мумкин.