HP мижозларини чекланмаган ва бепул Wi-Fi билан таъминлайди
HP компанияси 2014 йилда илк маротаба илгари сурилган, бутун жаҳонга бепул Wi-Fi алоқа тармоғини ваъда қилаётган iPass технологиясига оид лойиҳани янги шартлар асосида ривожлантиришини эълон қилди.
Мазкур технологияга асосан, агар сизда HP компанияси ишлаб чиқаришни режалаштираётган муайян ноутбук, планшет ёки ультрабуклари бўлса, сиз ер юзи бўйлаб ўрнатиб чиқилган миллионлаб iPass технологиясининг тўлқин тарқатувчи роутерлари орқали алоқа сигналлари билан таъминланасиз.
Қанча муддатга чекланмаган Wi-Fi’дан фойдаланишингиз сиз сотиб олаётган қурилмадан келиб чиқиб белгиланади.
Ягона шарт шуки, сотиб олинган қурилма 1 йил орасида ишга туширилиши ва iPass тармоғида фақат бир маротаба рўйхатдан ўтиши керак бўлади.
Бу лойиҳанинг айниқса бизнес вакиллари учун катта қулайлик яратиши кутилмоқда.
