HTC10 олган илк сурат Galaxy S7′ имконияти билан таққосланди
Samsung’нинг Galaxy S7 смартфони энг яхши сурат оладиган мобиль гаджети эканлиги ҳақида аввал хабар берган эдик. Аммо биринчи бўлиш бугунги рақобат кучли замонда осон эмас. Ҳар гал “энг яхши” деган номга даъво қилган рақиблар энди Galaxy S7 билан “жангга” киришиши керак бўлади.
Яқин-яқингача iPhone 6s Plus эгаллаб турган “энг яхши смартфон камераси” деган шарафли ном S7’га ўтишидан бир неча ой ўтиб, андроид қурилмалари орасидан унга қарши муносиб рақиб кўзга ташланди. Бу – HTC 10 смартфони.
S7’нинг ёруғлик сезувчанлиги f/1.7 сиғимда бўлган объективи максимал даражадаги имкониятга эга. Яъни, у профессионал объективли камералар билан деярли бир суратга олиши мумкин. Ундаги автофокус тизими Hasselblad компаниясининг $26,000 доллар турадиган H6D-50c камерасида ҳам ўрнатилган.
Яқиндагина, 12 апрель куни тақдим қилинган HTC 10 смартфонининг камераси ҳам кенг имкониятли. Смартфоннинг ёруғлик сезувчанлиги сиғим f/1.8. Яъни, бу жиҳатдан у S7’дан ҳам устун. 12 мегапикселли камера автофокус тизимига эга.
Асосий камера UltraPixel ва лазерли автофокус технологияларига эга. Камера тасвирни оптик барқарорлаштириш тизими билан таъминланган.
2 микрондан иборат ультрапикселли тасвирга олиш технологияси камера сенсорига анъанавий стандартга қараганда 300 фоиз кўпроқ ёруғлик нури тушишини таъминлайди. Бу эса етарлича ёритилмаган маконларда ҳам сифатли суратларни олишга имкон беради.
Қуйида Galaxy S7 ҳамда HTC 10 смартфонида олинган сурат орқали уларнинг имкониятини таққослаб кўрамиз.
Кўпчилик мутахассис ва фойдаланувчиларнинг фикрига кўра, мазкур манзарани суратга олишда HTC 10’да олинган суратда рангларнинг нисбатан тиниқ ва тўқ эканлиги қайд этилмоқда.
