Huawei P40 lite'нинг ичини очиб кўришди

YouTube'даги PBKreviews каналида Huawei P40 lite смартфонининг ичини очиб, унда нималар борлигини кўрсатишди. Қурилманинг пластикдан ишланган орқа корпусини олиш учун 18 та Phillips винти керак бўлади.

Honor иссиқликни она платадан метал ромга ўтказиш учун термопастадан фойдаланган. Бу эса Kirin 810 чипининг қизиб кетмаслигини таъминлайди. Бошқа баъзи чипларда ҳам иссиқлик тарқалиб, йўқ бўлишига ёрдам бериши учун термопастадан фойдаланилган.

Қизиғи, USB-C порти ва 3.5 миллиметрли аудио жек атрофида резина қистирмалар қўйилган. Ваҳоланки, Huawei P40 lite расман сувга чидамли эмас.

Видеодан ҳам кўриниб турганидек, смартфоннинг корпусини очиш жуда осон. Аммо экранни қайта жойига қўймоқчи бўлсангиз, барча элементларни корпусдан чиқаришга тўғри келади, сабаби экранга уланган тасма кабель аккумулятор остида жойлашган. Аккумулятор эса она платадан қуйида. Она плата устида эса яна бир неча қават қоплама бор.

ЎҚИНГ: Энг қиммат Huawei ҳамда Xiaomi флагманларининг камера жанги! («жонли» видео)