Илк қайишқоқ голографик смартфон экрани яратилди (Видео)
Энди Angry Birds’нинг қушчалари голограмма технологияси татбиқ қилинган смартфон дисплейининг юқорисида парвоз қилишни бошлайдилар.
Мазкур лойиҳа Канаданинг Human Media Lab муассасаси томонидан амалга оширилмоқда. Тадқиқотчилар дисплей устида голограмма нурларини шакллантириш учун органик светодиодли сенсор экран технологиясидан фойдаланишган. Фойдаланувчи интерактив экранни буклаш, эгиш орқали ўйинни ўйнаши мумкин. Ўйинни экраннинг хоҳлаган бурчагидан туриб томоша қилиш мумкин.
Ҳозирча дастур такомиллашиш босқичида бўлиб, голограмма нурларининг сиғими 160 x 104 пикселга тенг. Тадқиқотчилар уни 3D эффектли full HD сиғимига етказиш, кун келиб бу технология орқали масофали анжуманларни ташкил этиш имконини яратишни режа қилганлар.
Технологияни яқин фурсатларда камида 1.5 Ггц частотада ишлайдиган 2 ГБ процессор, Android 5.1 ва унинг кейинги талқинидаги операцион тизимга эга қурилмаларда кенг жорий қилиниши кутилмоқда.
