iPhone 7 Plus’нинг илк суратлари эълон қилинди
Суратларда Apple’нинг навбатдаги гаджети орқа томонида жуфт объективларга эга бўлиши кўриниб турибди. Мутахассислар бу смартфоннинг 3D услубидаги суратларни олиш қобилияти билан таъминланиши, бу жуда катта ўзига хос жиҳати бўлиши мумкинлигини таъкидлашмоқда.
Аммо, кўпчилик экспертларнинг фикрича, қўш объектив фақатгина iPhone 7 Pro’да татбиқ қилинади.
Ҳозирча хитойлик интернет манбаалар томонидан тарқатилаётган суратдаги қурилманинг iPhone 7 Plus эканлиги расман тасдиқланмаган бўлса ҳам, унинг тузилиши iPhone 7 Plus ҳамда iPhone 7 Pro’га оид тарқатилаётган маълумотлар билан мувофиқ келади.
Яъни, суратдаги смартфон iPhone 6’га ўхшайди, унинг корпуси ясси бурчакларга эга, қурилманинг орқа томонидан iPhone 6 ва 6s’да мавжуд антенна чизиғининг олиб ташланган, унда iPad Pro’ники каби барча аксессуарларни, жумладан клавиатурани ҳам смартфонга улайдиган ягона “Smart Connector” мавжуд.
