Компьютер билан ишлаганда йўл қўйиладиган 5 хато
Кўп компьютер фойдаланувчилари (асосан бошланғич фойдаланувчилар) компьютер билан ишлаганда кўпинча бир ҳилдаги хатоликларга йўл қўйишади ва шунинг оқибатида компьютернинг секин ишлашига ёки бир текисда ишламаслигига эришишади. Бу хатоликлар кўпинча қуйида кўринишларда намоён бўлади.
Бу мақоламда компьютер билан ишлаганда, унинг ишлашини сусайтирувчи, одатий хатоликлар тўғрисида ёзмоқчиман. Келинг шу хатоликларни таҳлил қилиб чиқайлик. 5 та асосий хатоликлар кетма-кетлиги билан танишинг.
1. Биттадан кўп антивирус дастурларини ўрнатиш.
Кўп компьютер фойдаланувчилари қанчалик кўп антивирус ўрнатилса, шунчалик компьютер хавфсиз деб ўйлашади ва бир нечта антивируслар ўрнатишга харакат қилишади.
Антивирус дастурлари кўп ресурс талаб қилишади ва шу билан бирга бир бирини ишига ҳалақит беришади. Ундан ташқари файл структураларининг ўзгаришига ҳам олиб келиши мумкин. Ҳар бир антивирус ўзининг текшириш алгоритмига эга ва улар бир бирига зид келади. Ишонмасангиз 2 та антивирус ўрнатиб тизимни қайта юклаб кўринг, операцион тизим ёниши секинлашиб, ишлашига катта таъсир қилишини кўрасиз (маслаҳат бермиман).
Ўз тажрибамда бўлган воқеа. Ўзимни компьютеримда касперский антивируси бор эди, лекин унинг базаси эскироқ эди. Ман бу антивирус текширишига қониқмай, докторвеб антивирусини ҳам ўрнатдим ва тамом, компьютер юкланиши учун 20 дақиқача вақт кетди.
2. Интерфейсни ўзгартирувчи дастурлар.
Навбатдаги катта хатолардан бири хар ҳил турдаги стандарт интерфейсни ўзгартирувчи дастурлар. Улар тизим шрифтини, ёниш жараёнини, иконка расмлари ва ҳаказоларни ўзгартиради. Албатта, булар чиройли кўринишга эга бўлади, лекин иш жараёнини секинлаштиради. Агар сиз компьютерни жиддий ишлар мақсадида олган бўлсангиз, бундай дастурларни ўрнатиш тавсия қилинмайди.
3. Асосий каталогни асранг.
Кейинга асосий фойдаланувчилар йўл қўядиган хатоликлардан бири дастур ва ўйинларни асосий каталогга ўрнатишдан иборатдир. Асосий каталог қайси? бу Windows операцион тизимида C:\ адреси ҳисобланади. Ўзи С дискга ўйинларни ўрнатиш тавсия қилинмайди, асосий каталогга эса умуман. Чунки С диск билан операцион тизим ишлайди ва ҳар хил турдаги тизим кутубхоналар билан ишлайди. Ўйинлар ҳам хар ҳил кутубхонадарни ўрнатади ва 2 та бир хил кутубхона бир бирига ҳалақит бериши мумкин.
Ўйинлар асосан дискни қўшимча партитионига ўрнатилиши лозим, мисол учун D:\game, агар С дискга ўрнатиш керак бўлса C:\game\game_name, лекин С:\ ичига эмас.
4. Ортиқча дастурларни ўрнатиш.
Дастлаб компьютер сотиб олгандан сўнг кўпчилик компьютери тўла туришини хоҳлайди ва ҳар хил бўлар бўлмас дастурларни ўрнатишни бошлайди. Агар бирор танишида бирор дастурни кўриб қолса, мани қаерим кам манда ҳам шу дастур бўлиш керак дейди. Ҳаттоки бу дастур қандай вазифани бажаришини билмаса ҳам.
Сизга маслаҳат компьютерингизни ҳар хил нарсалар билан тўлдирманг. Энг асосийси бир хил вазифани бажарувчи ҳар хил дастурларни ўрнатманг. Биттасини танлаб шу дастурни тўлиқ ўрганинг.
5. Компьютерни тўғри ўчиринг.
Кейингиси ва ниҳоят охиргиси компьютерни тўғри ўчиринг. Ҳеч қачон ПИП дан вилкани суғуриб олманг. ПУСК орқали ўчиринг, компьютерни ўз ўчириш алгоритми орқали ўчишига имкон яратиб беринг. Агар бирдан ўчириб қўйсангиз, винчестер дисклари бирдан тўхтаб, бузилиши ёки маълумотлар йўқолиши энг минимуми эса операцион тизим яроқсиз ҳолга келиши мумкин.
Юқоридаги маслаҳатларга амал қилсангиз, компьютерингиз узоқ ва самарали хизмат қилишига эришасиз ва компьютерингизни фақат модели эскириб қолганда ёки пулингиз кўпайиб қолганда алмаштиришингиз мумкин бўлади.
Манба: ITportal.Uz
