Компьютер учун Android ишлаб чиқилди  

Google  компаниясининг собиқ ходимлари, ҳозирда Jide Technology компаниясида фаолият олиб бораётган мутахассислар томонидан Remix OS`нинг такомиллаштирилган версияси ишлаб чиқилгани ҳақида маълум қилинди. Хабарларга кўра, мазкур операцион тизим Android`га асосланган ва уни компьютерларда ҳам қўллаш мумкин.

Remix OS

Remix OS`нинг ишлаб чиқарилишига Android`ни янада кенгайтириш эхтиёжи сабаб бўлган. Янги операцион тизим компьютерда ҳудди оддий мобиль версиядаги каби ишлайди. Афзаллиги энди фойдаланувчилар ўз шахсий компьютерлари орқали Google Play`га кириб, исталган иловалар ёки ўйинларни кўчириб олишлари мумкин.

Янгилиги нима?

Remix операцион тизими кўп вазифалар юкланган ва бир вақтнинг ўзида бир неча ойналар очилган вазиятда ҳам яхши ишлайди. Шунингдек, унга янги келган хабарларни кўрсатиб турувчи қўшимча панель ҳам ўрнатилган. Муҳим ўзгариш сифатида файл менежерининг янада яхшиланган тизимини айтиш мумкин.