LG: Galaxy S9 ва iPhone X'га қарши янги «кушанда» тайёр
Экспертларнинг фикрича, 2018 йилнинг илк ойлари ҳолатида Apple iPhone X ҳамда февралда кутилаётган Samsung Galaxy S9 флагманлари сайёрамизнинг энг илғор смартфонлари бўлишади. Шу билан бирга, смартфон бозорида уларга рақиб бўла оладиган кучли смартфонлар ҳам кутилмоқда. Жумладан, LG тайёрлаётган янги смартфон. Кечагина тарқалган маълумотларга кўра, компания "G" туркумига кирувчи флагманларини тўлиқ янгилайди.
The Investor ресурсининг на LG компаниясида фаолият олиб борадиган ходимга асосланиб ёзишича, бренд Samsung Galaxy S9 ҳамда Apple iPhone X'га қарши «кушанда» тайёрламоқда. "LG G7" деб номланиши кутилаётган бу мобил қурилма тамомила инновацион туркумнинг илк вакили бўлади. "G" туркумига хос смартфонлар смартфон бозорида 2012 йилдан бошлаб сотиб келинади.
LG компанияси G7"ни февралда Барселонада ўтадиган MWC 2018 анжуманида намойиш қилади. Тақдимот эса 2018 йилнинг баҳорида бўлиб ўтади. Айни пайтда мазкур модел тайёр ва унинг синов ишлари амалга оширилмоқда. Маълумотларга кўра, янги смартфон OLED-экран, 8 ядроли илғор Snapdragon 845 процессори, 6 ГБ "оперативка" ҳамда128 ГБ доимий хотира, ёруғликни тақсимловчи мосламаси f/1.4 стандартидан юқори бўлмаган, илғор ва қўш сенсорли бош камерага эга бўлади. Флагман қадоқдаёқ Android 8.1 Oreo операцион тизими бошқарувида ишлайди.
