Macoox компанияси $22 турадиган Android смартфонни сотувга чиқарди

Хитой смартфон ишлаб чиқарувчилари арзон қурилмалар билан барчани ҳайратга солиб келаётгани ҳеч кимга сир эмас. Бу гал эса Хитойнинг Macoox компанияси 22 доллар турадиган Android смартфонни сотувга чиқариб, кўпчилик истеъмолчиларнинг эътиборини жалб этди, деб ёзмоқда China-Review cайти.

Macoox SANTIN Q727 модели, асосан, ёши катта кексалар ёки кичик ёшдаги болаларга мўлжалланган. Шунинг учун қурилма энг зарурий техник параметрлар билан жиҳозланган, нархи эса жуда ҳамёнбоп.

Модель 3,5 дюймли 480х320 пиксель аниқлигидаги экран, 2-ядроли  Mediatek MT6572 процессори, 512 оператив хотира ва 4 ГБ доимий хотира билан жиҳозланган. Иккита SIM-карта ишини қўллаб-қувватлайди. Фавқулодда вазиятлар учун SOS тугмаси ҳам кўзда тутилган. Олд камеранинг аниқлиги 2 МП. Батарея сиғими – 1350 мА/соат. Android 4.4 версиясида ишлайди.