Mastercard бармоқ изини танийдиган плаcтик карточкани жорий қилди

Mastercard халқаро тўлов тизими фойдаланувчининг бармоқ изларини танийдиган пластик карточкани татбиқ қила бошлади. Энди фойдаланувчи дўконда тўловни амалга оширмоқчи бўлса, сотувчига PIN-кодни такрорламайди — шунчаки пластик карточкадаги махсус квадрат шаклидаги сенсор майдончага бармоғини босса кифоя.

Тўлов технологиясидаги ушбу биометрик тизим аввал ҳам мавжуд эди. Бироқ, унда ҳар бир магазинда ўрнатиб қўйилган алоҳида сканердан фойдаланилган. Энди эса эски пластикларни янги кўринишдаги карточкага алмаштириш мумкин.

Тизимнинг энг муҳим афзаллиги — хавфсизлик. “Ўзингиз ишонган одам осонлик билан сиздан PIN-кодни ўғирлаши ва ўзининг мақсади йўлида фойдаланиши мумкин, бироқ ҳеч ким ҳам карточкангизни ўғирлаб, ҳам бармоғингизни кесиб кетишга журъат қила олмайди”, деб ёзади технология ташаббускорлари.