ОАВ: Samsung янги “айфон”га Galaxy S7 mini билан жавоб бермоқчи
21 мартда Apple янги маҳсулотлари анонсига бағишланган тақдимот ўтказмоқчи. Компания бу куни 4 дюймли экранга эга, кичик ўлчамдаги iPhone SE смартфонини намойиш қилиши кутилмоқда.
GSMArena сайтининг Тайвань ОАВларига иқтибос келтирган ҳолда ёзишича, ҳали эълон қилинмаган янги “айфон”га Samsung ўз жавобини тайёрламоқда. Жанубий Корея компаниясига яқин манбаларнинг таъкидлашича, янги Galaxy S7 mini 5,1 дюймли бўлади.
Янги смартфон 4,6-дюймли экран (720р), Snapdragon 820 ёки Exynos 8890 процессори, 3 Гбайт тезкор хотира, 12 МПли камера ва 9,9 мм қалинликдаги корпус билан жиҳозланади. Шунингдек манбалар 3-карра оптик катталаштириш имкониятига эга “перископик объектив” ҳақида хабар беришмоқда. Бироқ гап, эҳтимол, алоҳида сотилувчи аксессуар ҳақида кетаётган бўлиши мумкин.
Бироқ Galaxy S7’нинг мини-модели чиқарилиши ҳақидаги хабарларни бироз муболағадек қабул қилиш керак бўлади. Чунки Samsung ўтган йили ҳам “айфонга” рақобатчи Galaxy S6 Mini чиқариши кутилганди, бироқ бу юз бермаган.
Ҳозирда Galaxy смартфонининг кичик ўлчамдаги энг охирги чиқарилган модели S5 Mini бўлиб, у 2014 йилда чиқарилган. Бу смартфон Galaxy S5’дан дизайни, дастурий таъминоти ва ички қисмлари билан деярли фарқ қилмайди. Бироқ смартфоннинг кичиклиги унинг дисплейига салбий таъсир кўрсатган: 5,1 дюймдан 4,5 дюймга кичиклаштирилган дисплейнинг кўрсатиш қобилияти Full HD дан HD форматга тушиб кетган.
Манба: Kun.uz
