ОАВ: Хитойлик аёл 20 та iPhone 7’ни сотиб, пулига уй сотиб олди
Маҳаллий ОАВ’ларнинг хабар беришича, Хитойнинг Шэньчжэн шаҳрида яшовчи аёл яқин алоқаларда бўлган 20 нафар эркакдан охирги моделдаги айфон совға қилишни сўраган. У айфонларни сотиб, пулига уй сотиб олмоқчи бўлган.
Аёл совғаларни қўлга киритгач, барча 20 та телефонни Хитой онлайн-дўконида сотган ва 120 минг юан ишлаб олган. У бу пулга шаҳар ташқарисидаги уй учун биринчи тўловни амалга оширган.
Интернетда аёлнинг бу иши турлича баҳоланмоқда: кимдир унинг бу ишини ахлоқсизлик деб қораламоқда ва аёлнинг алданган хушторларига ачинмоқда, кимдир эса унинг бу “зукколигига” таҳсин айтмоқда.
