One UI 5.1 версиясига янгиланган ва янгиланиши кутилаётган смартфонлар рўйхати
Samsung компанияси расман ўзининг One UI график қобиғининг янги 5.1 версиясини тақдим қилди. Ушбу янгиланиш энг биринчи бўлиб, феврал ойи бошида Galaxy S23 смартфонлари билан чиқарилган эди. Эндиликда эса компания ушбу версиянинг янги функциялар билан бошқа Galaxy смартфонларига ҳам тарқатилишини эълон қилди.
One UI 5.1 янгиланиши Expert RAW, ривожланган сурат таҳрирчиси, Multi Control ва динамик об-ҳаво виджети каби ўзгаришларни ўз ичига олади. Бундан ташқари Samsung махсус фон расмлари, қўнғироқ оҳанглари, тегиниш сезгирлиги, муайян ҳаракатларга кўра шрифтларни мослаштириш имконини берадиган Режимлар хусусиятини ҳам кенгайтирган.
Гарчи компания One UI 5.1 янгиланишини эндигина эълон қилган бўлса ҳам, уни тарқатиш бир неча кун аввал бошланган эди. Қуйида янгиланишни аллақачон қабул қилишга улгурган моделлар рўйхати билан танишишингиз мумкин:
- Galaxy S22
- Galaxy S22+
- Galaxy S22 Ultra
- Galaxy S21
- Galaxy S21+
- Galaxy S21 Ultra
- Galaxy S21 FE
- Galaxy S20
- Galaxy S20+
- Galaxy S20 Ultra
- Galaxy S20 FE 4Г/5G
- Galaxy Z Fold 4
- Galaxy Z Flip 4
One UI 5.1 янгиланишини энди қабул қиладиган смартфон ва планшетлар рўйхати эса қуйидагича:
- Galaxy Z Flip 3
- Galaxy Z Fold 3
- Galaxy Tab S8
- Galaxy Tab S8+
- Galaxy Tab S8 Ultra
- Galaxy А73 5G
- Galaxy А53 5G
- Galaxy А33 5G
- Galaxy А72
- Galaxy А82 5G
- Galaxy А52s 5G
- Galaxy А52 5G
- Galaxy А52
- Galaxy Tab S7 FE
- Galaxy Tab S7+
- Galaxy Tab S7
- Galaxy Z Fold 2
- Galaxy Z Flip
- Galaxy Note 20
- Galaxy Note 20 Ultra
- Galaxy А71
- Galaxy А51
- Galaxy Tab S6 Lite
Ушбу смартфонлар One UI 5.1 янгиланишини келаётган ҳафталарда, март ойи бошига қадар қабул қилишади.
ЎҚИНГ: Galaxy S FE сериясини ишлаб чиқариш тўхтатилмаган ва янги смартфон тез орада чиқарилади!
