Panasonic полиглот-мегафон қурилмасини яратди
Япониянинг Panasonic компанияси муайян тилдаги сўзларни аниқлаб бир вақтнинг ўзидан бошқа тилга таржима қилиш хусусиятига эга бўлган таржимон-мегафонни ишлаб чиқди, дея ёзмоқда hi-tech.mail.ru.
Фирманинг янги қурилмасига Megahonyaku номи берилган (японча “мегафон” ва “таржимон” сўзларининг бирлашувидан ясалган). Ҳозирча гаджет японча айтилган сўзларни инглиз, корейс ва хитой тилларига таржима қила олади. Айни вақтда қурилмада тахминан 300 га яқин иборалар мавжуд. Ушбу миқдор фойдаланувчи томонидан оширилиши мумкин. Бундан ташқари, мегафонда кўзда тутилган сенсорли экранга бирор матнни киритиш имконияти мавжуд, қурилма уни аниқлаб, керакли тилга таржима қилади ва тайёр таржимани карнай орқали янгратади.
Мегафон корпоратив сегментга мўлжалланган. Нархи тахминан 190 доллар. Panasonic 2018 йилгача 10 минг дона ушбу турдаги гаджетдан ишлаб чиқаришни режалаштирган.
