Panasonic тақиладиган электроника учун эластик батареяларни ихтиро қилди
Япониянинг Panasonic компанияси ўзининг янги ишланмаси – эластик литий-ионли батареяларни тақдим этди. Батареянинг қалинлиги бор-йўғи 0,55 мм бўлиб, у турли тақиладиган электроника, смарт-кийимлар, смарт-карта ва калитларга мўлжалланган.
Батареяни 25 мм радиусда букиш ва 25 градусга айлантириш орқали қайта қувватлаш мумкин. Унинг ички компонентлари ҳатто 1000 марталик букишдан кейин ҳам қурилма шаклини 99% сақлаш имкониятини беради. Бундан ташқари, батарея қизиб кетишдан ҳимояланган, шу боис уни одам танаси яқин жойлашадиган гаджетларга қўллаш мумкин.
Эластик батарея шу йилнинг октябрь ойидан бошлаб сотувга чиқарилади. Panasonic мазкур батарея қалинлигини янада камайтириш устида ишлашини маълум қилган.
