Philips компанияси 24 дюймли Ultra HD мониторни тақдим этди
Philips фирмасининг мониторлар қаторига 23,8 дюймли 4К аниқлик форматидаги янги монитор қўшилди.
Экраннинг аниқлик даражаси 3840 × 2160 пикселни (Ultra HD) ташкил этади. Экран IPS матрицаси асосида тайёрланган бўлиб, горизонтал ва вертикал йўналишда 178 градус бурчак остидаги намойишни таъминлайди.
Дисплей ёрқинлигининг даражаси – 300 кд/м 2 , стандарт констрастлик – 1000 : 1 ва динамик контрасткич 50 000 000 : 1 даражасида. Буйруқларга жавоб бериш вақти – 5 мс.
Экранга тасвир сифатини ёрқинликни назорат қилиш ҳисобига оптималлаштириб берадиган Lightsensor технологияси қўлланган. Монитор MHL (Mobile High-Definition Link) стандартини қўллаб-қувватлагани боис унга Android дастурида ишлайдиган турли қурилмаларни улаш мумкин.
Шунингдек, гаджетда D-Sub, DualLink DVI, DisplayPort, HDMI 2.0 портлари ҳамда USB3.0 концентратори кўзда тутилган. Мониторнинг ўлчами – 563 × 257 × 523 мм, оғирлиги – 7 килограмм. Ҳозирча қурилманинг нархи маълум эмас.