PUBG ўйнининг янги версияси чиқмоқда

PUBG ўйнининг янги версияси чиқмоқда

Krafton Inc компанияси PUBG: New State деб номланувчи машҳур PUBG онлайн ўйинининг янги версияси 11 ноябрда чиқишини расман эълон қилиб, барча миш-мишларга нуқта қўйди. Ўйин 200 дан ортиқ мамлакатларда iOS ва Android учун 17 хил тилда мавжуд бўлади.  Якуний техник тест 29-30 октябрь кунлари ўтказилади. 

ЎҚИНГ: PubG ҳақида сиз билган ва билмаган фактлар 

PUBG: New State асл PUBG Mobile ўйинидаги баъзи функциялардан фойдаланади, лекин янгилик сифатида, ўйинга янги хариталар, футуристик транспорт воситалари ва янги қуроллар қўшилади. Krafton уни “ҳозирги кундаги энг реал ва технологик жиҳатдан илғор мобил ўйинлардан бири“ деб атамоқда. 

Компания барқарор хизмат кўрсатиш учун ўйинчилар билан фаол мулоқот қилишини айтди. Бу тўққизта глобал хизмат кўрсатиш марказларини ташкил этиш орқали амалга оширилади.

Ўйиндаги қойдаларни бузишга қарши кенг қамровли чоралар кўрилди, Крафтон рухсатсиз дастурлар, эмуляторлар ва ҳатто клавиатура ва сичқонлардан фойдаланишни тақиқлайди.  Ўйинчилар ва жамоанинг фикри диққат билан кузатилади ва таҳлил қилинади. Ушбу таҳлиллар натижасига қараб компания ўйинга ўзгартиришлар киритади. 

ЎҚИНГ: PUBG Mobile, TikTok, Instagram, YouTube ва Telegram учун оператор алоҳида трафик беряпти